Inalagaan Mag-isa ng Ama na Ito ang mga Anak Matapos Silang Iwan ng Asawa Para sa Mayamang Hapon at Ito ang Iginanti ng mga Anak sa Kanya

Pitong taon na ang nakalilipas ng iwan ng misis si Allan. Sumama ang babae sa isang mayamang hapon, at iniwan sila ng dalawa niyang anak. Natatandaan niya, 2 taong gulang pa lang noon ang panganay nilang si Janelle na umiiyak pa sa hagdan at nagmamakaawang wag umalis ang mama niya, habang 7 buwang gulang naman ang bunsong si Thomas. Nagmakaawa rin si Allan sa babae, hindi niya maintindihan kung paano sila magagawang ipagpalit nito sa yaman na ipinapangako ng hapon. Para kasi sa kanya, ang kanyang mga anak ang kayamanan.

“Ma, wag mo namang gawin ito. Paano na kaming tatlo, ma si Janelle matitiis mo ba iyak ng iyak ang baby o? Si Thomas dumedede pa sayo ma, hindi ko kakayanin mag isa ito. Maawa ka naman sa amin ng mga bata.” Halos lumuhod noon si Allan.

“Nagsasawa na ko sa mahirap na buhay na ‘to Allan, pag nadala na ako ni Nakazen sa Japan, kukunin ko ang mga bata.” iyon lang at tuluy tuloy na itong lumabas ng pintuan.

Ngayon ay 9 taong gulang na si Janelle at 7 naman si Thomas. Taliwas sa sinabi ng babae, hindi na nito binalikan ang mga anak. Maligaya naman si Allan doon dahil sigurado siyang hindi niya talaga kakayanin kapag mga anak niya ang inilayo sa kanya.

Parang dinudurog naman ang puso ng lalaki dahil bukas ay Mother’s day na. Naiiyak siya para sa mga anak, ang ibang mga bata ay masayang inaalagaan ng kanilang mga ina pero ang mga ito ay ni walang matawag na mama. Matalino naman ang mga bata dahil kahit kalian ay hindi ito nagtanong kung nasaan ang nanay nila, nahahalata marahil ng mga ito na ayaw niyang pag usapan iyon.

Kinabukasan, matapos ang eskwela ay iniuwi na ni Allan ang mga bata. Habang byahe pauwi ay tahimik lang ang mga ito at minsan ay nahahalata niyang nagbubulungan pero hindi nalang niya pinansin iyon. Pag uwi sa bahay ay kumain ang mga ito ng meryenda at nagbihis, tapos ay gumawa na ng assignment.

Tinanong niya ang mga ito kung kailangan ba ng tulong pero hindi naman daw kaya nanood na lang si Allan ng TV, maya maya ay lumapit sa kanya ang dalawa. May iniabot ito sa kanyang itinuping papel at sabay nagsalita.

“Happy Mother’s Day Tatay.” nahihiya pa ang mga ito. Binuklat niya ang papel at andon ang drawing nilang tatlo, nakasulat ay Mahal ka namin Tatay.

Natawa naman siya sa dalawa, at sinabing, “Mother kayo dyan, Father ako!” naiisip niyang nagkamali ang mga anak pero naiyak siya sa sinabi ng bunsong si Thomas.

“Sabi po kasi ni teacher, ang mother daw ay nagla-love, nag aalaga at nag po-protect sa kids, hindi nang iiwan at palagi naming kakampi, ikaw po yon tatay,”

Ano ang masasabi mo sa kwentong ito? Ibahagi sa amin ang inyong sagot sa comments section sa ibaba. Para sa mas maraming updates, I-like lamang ang aming Facebook page.