Ina-under at Laging Ipinapahiya ng Babaeng Ito ang Kanyang Asawa, Labis ang Kanyang Pagsisisi nang sa Wakas ay Natiis Siya Nito

“Kalalaki mong tao, mahiyain ka! Paano tayo mabubuhay n’yan kung puro ka kiyeme?!” inis na bunganga ni Hilda sa kanyang asawang si Larry. Halos araw-araw tuwing umaga ay ganito ang inaabot niya sa kanyang misis. Madalas siyang bungangaan nito. Kung minsan ay dahil sa mga bagay na hindi niya sinasadyang magawa, ngunit madalas ay maliliit na bagay na kung tutuusin ay pwede naman nilang pag-usapan nang simple at tahimik. Ngunit hindi ganoong pag-uusap ang gusto ng kanyang asawa. Dahil kung hindi siya sa harap ng mga anak nila pahihiyain nito, sa harap ng maraming tao siya nito pagmumukhaing kawawa at under na asawa. Wala siyang pakialam doon noong una dahil naniniwala siya na kapag hinayaan niya itong underin siya bilang asawa ay mas magtatagal ang kanilang relasyon. Ngunit nagkamali siya. Dahil habang pinagbibigyan niya ang kanyang misis ay mas lalong nawawalan ito ng takot at respeto sa kanyang bilang lalaki sa relasyon. Pati tuloy ang mga anak niya kung minsan ay hindi na rin siya ginagalang. Dahil doon ay nagdesisyon siyang pumasok sa trabaho nang hindi humihingi ng sorry dito o hindi niya inaayos ang kanilang away. Doon lalong nanggalaiti ang kanyang misis at halos batuhin pa siya ng mga bagay sa bahay nila habang naglalakad siya palayo. “Lumayas ka dito! Wala kang kwentang ama at asawa!” Sa kabilang-banda ay masamang-masama ang loob ni Hilda sa asawa. Sanay kasi siyang dati-rati na sinusuyo siya sa tuwing binubungangaan niya sa umaga. Hindi naman siya nakokonsensya sa ginagawa niya dito dahil alam niyang palpak naman madalas ang mister niya. Ngunit ngayon na wala itong ginawa upang magkaayos sila bago ito pumasok sa trabaho ay talagang ipinagtataka niya at ikinaiinis niya nang sobra. “Humanda ‘yan sa akin pag-uwi n’yan ng bahay!” Ngunit ang inaasahang pag-uwi ni Hilda sa asawang si Lance nang gabing iyon ay hindi natupad. Dahil sumapit na ang madaling-araw ay wala pa rin ang kanyang asawa. Noong una’y kumukulo na ang dugo niya sa galit, ngunit nang mas nagtagal pa ang paghihintay niya sa asawa ay kinabahan na siya. Kaya naman nagdesisyon siyang lumabas ng bahay. Hindi rin kasi nito sinasagot ang mga tawag niya. Nang pagsapit ng umaga’y wala pa rin ang kanyang mister ay nagtungo na siya sa kumpanya kung saan ito nagtatrabaho. At ganoon nalang ang pagkagulat niya nang sinabi ng boss nito na hindi daw pumasok ang kanyang asawa. May isa pa itong kasamahan na nakapagsabing nagpunta daw ito sa malapit na club. Kaya naman dali-dali siyang nagtungo doon at galit na galit. Agad niyang nakita ang asawa na may kausap na babae. Lalapitan niya palang sana ito nang marinig niya ang sinabi ng kanyang mister, “Sorry, Miss hindi ko magagawa ‘to. Pasensya ka na. Mahal ko pala talaga ang misis ko.” Nagulat siya sa sinabi ng mister kaya naman agad siyang nagtago at nakinig pa. “Kahit pala bungangera ‘yun ay hindi ko siya kayang saktan sa ganitong paraan. Mas nasasaktan ako at nahihiya sa sarili ko dahil naisip ko ito. Pero wala eh, mahal na mahal ko talaga ‘yung babaeng ‘yun.” Iyak nang iyak si Hilda nang umuwi ng kanilang tahanan. Sisi ang naramdaman niya sa lahat ng pagbubunganga at panlalait na ginawa niya sa kanyang mister. Simula noon ay nangako siya sa sarili na mas mamahalin ito, rerespetuhin bilang tao at aalagaan nang buong-puso. sa ibaba. Para sa mas maraming updates, i-like lamang ang aming Facebook page.